วา ฯ ภายติ นุ โข มหาราช คิริสิขรํ ภนฺทนฺเต วา โปถยนฺเต วา อคฺคินา ทหนฺเต
วาติ ฯ น หิ ภนฺเตติ ฯ เกน การเณนาติ ฯ นตฺถิ ภนฺเต คิริสิขรสฺส โส เหตุ
เยน เหตุนา คิริสิขรํ ภาเยยฺย วา ตเสยฺย วาติ ฯ เอวเมว โข มหาราช นตฺถิ
อรหนฺตานํ โส เหตุ เยน เหตุนา อรหนฺโต ภาเยยฺยุํ วา ตเสยฺยุํ วา ฯ ยทิปิ มหาราช
โลกธาตุสตสหสฺเสสุ เย เกจิ สตฺตา สตฺตนิกายปริยาปนฺนา สพฺเพปิ เต สตฺติหตฺถา
เอกํ อรหนฺตํ ปริวาเรตฺวา ตาเสยฺยุํ น ตํ กาตุํ สกฺกา น อรหนฺตานํ จิตฺตสฺส กิญฺจิปิ
อญฺญถตฺตํ ภเวยฺย ฯ กึการณา ฯ อรหนฺตานํ วิคตภยสนฺคาสเหตุโต ฯ อปิจ มหาราช
สพฺเพสํ ขีณาสวานํ เอวํ เจตสา เจโตปริวิตกฺโก อุทปาทิ อชฺช นรวรปวเร ชินวรวสเภ
นครวรมนุปวิฏฺเฐ วีถิยา ธนปาลโก หตฺถี อปฺปติสฺสติ อสํสยํ เทวาติเทวํ อุปฏฺฐาโก
น ปริจฺจชิสฺสติ ยทิ มยํ สพฺเพปิ ภควนฺตํ น ปริจฺจชิสฺสาม อานนฺทสฺส คุโณ ปากโฏ
น ภวิสฺสติ น หิ ตตฺถ กถาสมุปฺปตฺติ ภวิสฺสติ น เหว ตถาคตํ สมุปคมิสฺสติ หตฺถินาโค
หนฺท มยํ อปคจฺฉาม เอวมิทํ มหโต ชนกายสฺส กิเลสพนฺธนโมกฺโข ภวิสฺนติ อานนฺทสฺส
จ คุโณ ปากโฏ ภวิสฺสตีติ ฯ เอวํ เต อานิสํสํ ทิสฺวา อรหนฺโต ทิสาวิทิสํ
ปกฺกนฺตาติ ฯ สาธุ ภนฺเต นาคเสน สตฺถิ อรหนฺตานํ ภยํ วา สนฺตาโส วา เอวเมตํ
ตถา สมฺปฏิจฺฉามีติ ฯ

ขีณาสวานํ อภายนปญฺโห สตฺตโม ฯ

ภนฺเต นาคเสน ภาสิตมฺเปต ภควตา
สนฺถวโต ยํ ชาตํ นิเกตา ชายตี รโช
อนิเกตมสนฺถวํ เอตํ วา มุนิทสฺสนนฺติ ฯ
ปุน จ ภณิตํ
วิหาเร การเย รมฺเม วาสเยตฺถ พหุสฺสุเตติ ฯ
ยทิ ภนฺเต นาคเสน ตถาคเตน ภณิตํ
สนฺถวโต ภยํ ชาตํ ฯ เป ฯ เอตํ เว มุนิทสฺสนนฺติ
เตนหิ
วิหาเร กาเรย รมฺเม วาสเยตฺถ พหุสฺสุเตติ
ยํ วจนํ ตํ มิจฺฉา ฯ ยทิ ตถาคเตน ภณิตํ

วิหาเร การเย รมฺเม วาสเยตฺถ พหุสฺสุเตติ
เตนหิ สนฺถวโต ภยํ ชาตํ ฯ เป ฯ เอตํ เว มุนิทสฺสนนฺติ ตมฺปิ วจนํ มิจฉา ฯ อยํปิ
อุภโต โกฏิโก ปญฺโห ตวานุปฺปตฺโต โส ตยา นิพฺพาหิตพฺโพติ ฯ ภาสิตมฺเปตํ มหาราช
ภควตา
สนฺถวโต ภยํ ชาตํ นิเกตา ชายตี รโช
อนิเกตมนสฺถวํ เอตํ วา มุนิทสฺสนนฺติ ฯ
ภณิตญฺจ
วิหาเร กาเรย รมฺเม วาสเยตฺถ พหุสฺสุเตติ ฯ
ยํ มหาราช ภควตา ภณิตํ
สนฺถวโต ภยํ ชาตํ ฯ เป ฯ เอตํ เว มุนิทสฺสนนฺติ
ตํ สภาวทสฺสนํ อนวเสสวจนํ นิสฺเสสวจนํ นิปฺปริยายวจนํ สมณานุจฺฉวิกํ สมณสารุปฺปํ
สมณปฏิรูปํ สมณารหํ สมณโคจรํ สมณปฏิปทา สมณปฏิปตฺติ ฯ ยถา มหาราช
อารญฺญโก มิโค อรญฺเญ ปวเน จรมาโน นิราลโย อนิเกโน ยถิจฺฉกํ สยติ เอวเมว
โข มหาราช ภิกฺขุนา
สนฺถวโต ภยํ ชาตํ นิเกตา ชายตี รโช
อนิเกตมสนฺถวํ เอตํ เว มุนิทสฺสนนฺติ
จินฺเตตพฺพํ ฯ ยมฺปิ ปน มหาราช ภควตา ภณิตํ
วิหาเร การเย รมฺเม วาสเยตฺถ พหุสฺสุเตติ
ตํ เทฺว อตฺถวเส สมฺปสฺสมาเนน ภควตา ภณิตํ ฯ กตเม เทฺว ฯ วิหารทานํ นาม
สพฺพพุทฺเธหิ วณฺณิตํ อนุมตํ โถมิตํ ปสฏฺฐํ ตํ วิหารทานํ ทตฺวา ชาติชรามรณา
ปริมุจฺจิสฺสตีติ อยํ ตาว ปฐโม อานิสํโส วิหารทาเน ฯ ปุน จ ปรํ วิหาเร วิชฺชมาเน
ภิกฺขุนิโย พฺยตฺตสงฺเกตา ภวิสฺสนฺติ สุลภทสฺสนํ ทสฺสนกามานํ อนิเกเต ทุทฺทสฺสนา
ภวิสฺสนฺตีติ อยํ ทุติโย อานิสํโส วิหารทาเน ฯ อิเม เทฺว อตฺถวเส สมฺปสฺสมาเนน
ภควตา ภณิตํ

วิหาเร กาเรย รมฺเม วาสเยตฺถ พหุสฺสุเตติ ฯ
น ตตฺถ พุทฺธปุตฺเตน อาลโย กรณีโย นิเกเตติ ฯ สาธุ ภนฺเต นาคเสน เอวเมตํ
ตถา สมฺปฏิจฺฉามีติ ฯ

สนฺถวปญฺโห อฏฺฐโม ฯ

ภนฺเต นาคเสน ภาสิตมฺเปตํ ภควตา อหมสฺมิ ภิกฺขเว พฺราหฺมโณ ยาจโยโค
สทา ปยตปาณิ อนติมเทหธโร อนุตฺตโร ภึสโก สลฺลกนฺโตติ ฯ ปุน จ ภณิตํ ภควตา
เอตทคฺคํ ภิกฺขเว มม สาวกานํ ภิกฺขูนํ อปฺปาพาธานํ ยทิทํ พากุโลติ ฯ ภควโต จ
สรีเร พหุกฺขตฺตุํ อาพาโธ อุปฺปนฺโน ทิสสติ ฯ ยทิ ภนฺเต นาคเสน ตถาคโต อนุตฺตโร
เตนหิ เอตทคฺคํ ภิกฺขเว มม สาวกานํ ภิกฺขูนํ อปฺปาพาธานํ ยทิทํ พากุโลติ ยํ วจนํ
ตํ มิจฺฉา ฯ ยทิ เถโร พากุโล อปฺปาพาธานํ อคฺโค เตนหิ อหมสฺมิ ภิกฺขเว พฺราหฺมโณ
ยาจโยโค สทา ปยตปาณิ อนฺติมเทหธโร อนุตฺตโร ภึสโก สลฺลกนฺโตติ ตมฺปิ วจนํ
มิจฺฉา ฯ อยมฺปิ อุภโต โกฏิโก ปญฺโห ตวานุปฺปตฺโต โส ตยา นิพฺพาหิตพฺโพติ ฯ
ภาสิตมฺเปตํ มหาราช ภควตา อหมสฺมิ ภิกฺขเว พฺราหฺมโณ ยาจโยโค สทา
ปจนปาณิ อนฺติมเทหธโร อนุตฺตโร ภีสโก สลฺลกนฺโตติ ฯ ภณิตญฺจ เอตทคฺคํ ภิกฺขเว
มม สาวกานํ ภิกฺขูนํ อปฺปาพาธานํ ยทิทํ พากุโลติ ฯ ตญฺจ ปน พาหิรานํ อาคมานํ
อธิคมานํ ปริยตฺตีนํ อตฺตนิ วิชฺชมานตฺตํ สนฺธาย ภาสิตํ ฯ สนฺติ โข มหาราช ภควโต
สาวกา ฐานจงฺกมิกา เต ฐาเนน จงฺกเมน รตฺตินฺทิวํ วีตินาเมนฺติ ภควา ปน มหาราช
ฐาเน จงฺกเมน จ นิสชฺชาย สยเนน รตฺตินฺทิวํ วีตินาเมติ ฯ เย เต มหาราช ภิกฺขู
ฐานจงฺกมิกา เต เตน องฺเคน อติเรกา โหนฺติ ฯ สนฺติ โข ปน มหาราช ภควโต
สาวกา เอกาสนิกา เต ชีวิตเหตุปิ ทุติยํ โภชนํ น ภุญชนฺติ ภควา ปน มหาราช
ทุติยมฺปิ ตติยมฺปิ โภชนํ ภุญฺชติ ฯ เย เต มหาราช ภควโต สาวกา ภิกฺขู เอกาสนิกา
เต เตเนว องฺเคน อติเรกา ฯ อเนกวิธานิ มหาราช ตานิ การณานิ เตสํ เตสํ ตํ
ตํ สนฺธาย ภณิตานิ ฯ ภควา ปน มหาราช อนุตฺตโร สีเลน สมาธินา ปญญาย
วิมุตฺติยา วิมุตฺติญาณทสฺสเนน ทสหิ จ พเลหิ จตุหิ เวสารชฺเชหิ อฏฺฐารสหิ พุทฺธธมฺเมหิ
ฉหิ อาธารเณหิ ญาเณหิ ฯ เกวเล จ พุทฺธวิสเย ตํ สนฺธาย ภณิตํ อหมสฺมิ ภิกฺขเว
พฺราหฺมโณ ยาจโยโค สทา ปยตปาณิ อนฺติมเทหธโร อนุตฺตโร ภีสโก สลฺลกนฺโตติ ฯ
อิธ มหาราช มนุสฺสเสุ เอโก ชาติมา โหติ เอโก ธนวา เอโก วิชฺชวา เอโก สิปฺปวา